ક્વિન્સલેન્ડર ઘર

બ્રિસ્બેનમાં પરિવાર સાથે આવ્યા બાદ પહેલા તો હંગામી ધોરણે હોટેલમાં અને પછી ભાગીદારીમાં ૩ મહિના માટે વૈભવી મકાનમાં રહ્યા. ત્યાર બાદ નવા ઘરની શોધ ઇન્ટરનેટ વેબસાઇટ www.realestate.com.au પર કરી. ધણા બધા ઘર જોયા બાદ એક સુંદર ક્વિન્સલેન્ડર ઘર સાઉથ બ્રિસ્બેન વિસ્તારમાં ગમ્યું અને અરજી પણ મંજુર થઇ ગઇ. ધરમાં રહેવા આવ્યા બાદ આ પ્રકારના ધરનો ઇતિહાર જાણ્યો.

મારૂ ક્વિન્સલેન્ડર ઘર

ક્વિન્સલેન્ડર સ્થાપત્યનું ઘર ઓસ્ટ્રેલિયાના ઉષ્ણકટિબંધ વિસ્તારનું એક ખાસ પ્રકારનું ઘર હોય છે. આવાં ધરો ઉત્તરીય વિસ્તારોમાં અને ન્યુ સાઉથ વેલ્સમાં પણ જોવા મળે છે. જે લાકડાંના થાંભલાઓ ઉપર બાંધેલુ હોય છે અને એક અથવા બે માળનું હોય છે. ઘરનો પ્રવેશદ્વાર લાંબા ઢાંકેલા વરંડાવાળો હોય છે. આ પ્રકારના ઘર પાછળનું મુખ્ય પરિબળ છે અહિંનુ વાતાવરણ. ઊનાળામાં અહિં દિવસ લાંબો હોય છે અને દિવસના અંતે ધોધમાર વરસાદ પણ પડે છે. આવી પરીસ્થિતીમાં ઘરની બહાર આવેલા છતવાળા આવા વરંડા ધણાં ઉપયોગી નીવડે છે. વરંડાએ ઓસ્ટ્રેલિયાની જીવનશૈલીનો અનિવાર્ય ભાગ છે. સુશોભન કરેલી થાંભલીઓની હારમાળા, છાજલીઓ અને વિવિધ સ્તંભોએ ઉષ્ણકટીબંધ પ્રકારના ઘરોની ખાસીયત છે જે ઘરની અંદર અને બહારના વિસ્તારને અલગ પાડે છે.

ક્વિન્સલેન્ડર ઘર

અમારા ઘરની નીચે ભુતકાળના ભાડૂઆતોનો વધારાનો સામાન, ૫ ટીવી, પલંગ, સાયકલો આવેલી છે. વોશીંગ મશીન ૩ ડોલર (૧ ડોલર x ૩) નાખવાથી ચાલે છે. મનમાં ગણતરી કરી ૩ ગુણ્યા ૫૦ એટલે ૧૫૦ રૂપિયા એક વાર કપડાં ધોવાનાં? ના હોય…

નાનું ક્વિન્સલેન્ડર ઘર

ક્વિન્સલેન્ડર ઘર જમીનની ઉપર થાંભલાઓ પર હોવાથી હવા નીચેથી દાખલ થાય છે તેથી ઘરમાં ઠંડક જળવાઇ રહે છે. પુર્વકાલિન યુરોપના વાતાવરણ કરતાં આ ઘણું જ અલગ હોવાથી અહિંના લોકોએ ઘણી જ સહજતાથી આ જીવનશૈલી અપનાવી છે. આ બધી લાક્ષણીક્તાઓને લીધે આ ઘર એ ઓસ્ટ્રેલિયાનું વિશિષ્ટ સ્વરૂપ બન્યું છે. આ પ્રકારના મોટાભાગના ઘરો ૧૯મી સદીના અંતમાં અને ૨૦મી સદીના ઉત્તરાર્ધમાં બન્યા હતા અને હજું પણ અસ્તિત્વ ધરાવે છે. જમીન અને બાંધકામની કિંમતોમા વધારો થવાથી આવા ઘરો તોડીને નવાં ઇંટોના ઘર બનાવાય છે. ૭૦ અને ૮૦ ના દાયકાઓમાં આ પ્રકારના સ્થાપત્યની મહત્વતા જણાઇ અને લોકોએ તેની જાળવણીની શરૂઆત કરી.

લાંબુ ક્વિન્સલેન્ડર ઘર

આ પ્રકારના મકાનનો જાળવણી ખર્ચ પણ વધારે હોય છે પણ ફાઇબર સિમેન્ટ, ઊચ્ચ કક્ષાના રંગોને લીધે હવે આવા ઘરો પ્રચલિત થયાં છે. ઘરની આંતરિક રચનાઓમાં ફેરફાર કરીને આધુનિક ઓપ આપવામાં આવ્યો છે. વાતાવરણને ધ્યાનમાં રાખીને દિવાલો અને છતને અવાહક પદાર્થોથી બનાવવામાં આવે છે. ઊર્જા કાર્યક્ષમ રીતોને લીધે તથા બારી-બારણાંની સ્થાપત્ય કલાને લીધે હવા ઉજાસ જળવાઇ રહે છે. આંતરિક સંરચનાઓમાં ફેરફારથી કુદરતી પ્રકાશ મળે છે અને બિનજરૂરી ગરમી અગત્યના ઓરડાઓમાંથી દૂર કરી શકાય છે.

નવીનતમ ક્વિન્સલેન્ડર ઘર

અમારા ઘરની પાછળના ઢોળાવવાળા વરંડામાં barbeque અને કપડાં સુકવાની ખાસ પ્રકારની ્છત્રી જેવી વ્યવસ્થા છે.

2 thoughts on “ક્વિન્સલેન્ડર ઘર

અભિપ્રાય આપો.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s