સાઉથ બેંક, બ્રિસ્બેન

અમારૂ નવું ઘર સાઉથ બેંક વિસ્તારની નજીકમાં આવેલું છે. આ વિસ્તારની ઘણી ખાસ લાક્ષણિક્તાઓ છે, જ્યારે અમે કોઇને કહીએ કે અમે સાઉથ બેંક વિસ્તારમાં રહીએ છીએ ત્યારે સામેની વ્યક્તિનો પહેલો ઉદ્‍ગાર હોય છે “વા…ઉઉઉ…”. હું કામ પતાવીને ઘરે આવું પછી મોટે ભાગે રોજે રોજ અભિનવને રમાડવા અને એની સાથે રમવા સાઉથ બેંક પાર્કલેન્ડમાં જાઉં છું.

સાઉથ બેંક માટે કહેવાય છે કે બ્રિસ્બેનના લોકો કલા, સંગીત, ફેશન અને સામાજીક જીવનશૈલી માણવા અહિં આવે છે. અહિંના પાર્કલેન્ડમાં લોકો પરિવાર, મિત્રો અને સાથીદારો સાથે નદી કિનારે ઉજાણી મનાવવા તથા શહેરની અંદર આવેલા ઓસ્ટ્રેલિયાના એક માત્ર માનવસર્જીત રેતાળ દરિયા જેવા કિનારે નાહવા અને મોજમજા કરવાં આવે છે. અહિં ત્રણ અલગ અલગ પાણીના પુલ છે, બાળકો માટે ખાસ પાણીમાં રમવાની વ્યવસ્થા છે. લોકો આરામ અને તાજગી માટે પાણીમાં પડ્યા રહે છે તો કેટલાક સૂર્ય સ્નાનની મજા લે છે. જોગીંગ કરનારા અને સાયકલવીરોની આવન જાવન તો ચાલું જ હોય છે. અહિં લોકો ભેગા મળીને બાર્બેક્યુ (Barbecue) પર ભોજન રાંધીને જમતા હોય છે. અમે પણ કોઇ વાર ગરમાગરમ દાબેલી ખાવાની મજા માણીએ છીએ.

અહિંની પ્રખ્યાત લિટલ સ્ટ્રીટ અને ગ્રે સ્ટ્રીટ અત્યાધુનિક બાંધકામ ધરાવે છે વળી વિશ્વભરની વાનગીઓ પીરસતા વિવિધ ભોજનાલયો (રેસ્ટોરન્ટ) છે. અહિં ભારતીય ભોજન આપતા Gandhi Curry House અને Sardar Rasoi પણ છે. અહિં રેસ્ટોરન્ટની બહાર તથા ઝાડ નીચે ટેબલ ખુરશી પર જમવાનું મળે છે જેને Alfresco Dining કહે છે.

રેસ્ટોરન્ટ

અહિં નાના ઘણાં બગીચાઓ છે અભિનવની ઇચ્છા પ્રમાણે અમે અલગ અલગ બગીચાઓમાં હિંચકા, લપસણી, દોડ અને પાણીમાં છબછબિયાં કરવાની મજા કરીએ છીએ. નાના રમતના મેદાનમાં બાળકો બોલ, સ્કૂટર (બાળકોવાળું રમકડાનું), સાયકલ, ઊડતી ડીસ્ક અને રગ્બી જેવી રમતો રમતા હોય છે. થોડાક વિસ્તારમાં વરસાદી જંગલો, રસ્તાની આજુબાજુ આકર્ષક અને સુશોભન કરેલી લોખંડની કમાન છે.

બગીચો

અહિં વાંચનાલયમાં અસંખ્ય પુસ્તકો અને સીડી સુવિધા ઉપરાંત બાળકોને મનપસંદ વિવિધ પ્રવૃત્તિઓ ચાલુ જ હોય છે. સ્ટેટ મ્યુઝીયમ (સંગ્રહાલય) માં આદિવાસી સંસ્કૃતિના ઉદ્‍ભવ, વિકાસ અને તેમના જીવનને લગતાં વિવિધ સાધનો છે. આ સંગ્રહાલય મને સાપુતારાના આદિવાસી સંગ્રહાલયની યાદ અપાવે છે. ગઇ વખતે અમે ગયા ત્યારે માનવસંચાલિત હરતાં ફરતાં ડાઇનાસોર જોયા હતા, અભિનવ અને તેના જેવા અન્ય નાનાં બાળકો ખુબ જ ડરી ગયા હતા. ગુજરાતના સંગ્રહાલયોમાં આ પ્રયોગ અનુકરણ કરવા લાયક છે. પર્ફોર્મીગ આર્ટસ સેંટરમાં રોમિયો-જુલીએટ નાટક માર્ચ-૨૦૧૨ માં છે. સાઉથ બેંક સિનેપ્લાઝામાં હિન્દી ચલચિત્રો (ફિલ્મો) લાગતા નથી. નદી કિનારે બ્રિસ્બેન વ્હિલ (ચકડોળ) છે જે વાતાનુકુલિત સુવિધાવાળું અને અંદર બ્રિસ્બેન વિશેની માહિતી સાંભળી શકાય છે. બાજુમાં નેપાળી મંદિર (પેગોડા) અને કન્ફ્યુસિયસનું પૂતળુ છે. અહિં આધુનિક સુવિધાવાળું ઓપન એર થિએટર (Suncorp Piazza) છે જેમાં સાંસ્કૃતિક કાર્યકમો અને આપણા ગુજરાતીઓના ગરબાનું આયોજન પણ થાય છે. બ્રિસ્બેન કન્વેશન અને એક્શીબીશન સેંટર સેંટર, મેરીટાઇમ મ્યુઝીયમ (સંગ્રહાલય), સાયન્સ સેંટર, ગ્રિફીથ યુનિવર્સિટી, મોર્ડન આર્ટ ગેલેરી વગેરેની મુલાકાત લીધી નથી.

ડાઇનાસોર

અહિં વાર તહેવારે સાંસ્કૃતિક કાર્યક્રમો થતાં રહે છે, નદી કિનારે આકાશમાં આતશબાજી, ફાઇટર જેટ વિમાનો, નદીમાં લોકો નાની હોડી(kayak)માં નૌકાવિહાર અને નવા વર્ષની આતશબાજી વગેરે વગેરે.

આતશબાજી

4 thoughts on “સાઉથ બેંક, બ્રિસ્બેન

  1. Pingback: બ્રિજ ટુ બ્રિસ્બેન ૨૦૧૨ | પટેલ પરીવાર

  2. Pingback: બ્રિસ્બેન નવરાત્રી ૨૦૧૨ | પટેલ પરીવાર

  3. Pingback: પાર્કરન – સાઉથ બેંક | પટેલ પરીવાર

  4. Pingback: બ્રિજ ટુ બ્રિસ્બેન ૨૦૧૨ | પટેલ પરિવાર

અભિપ્રાય આપો.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s