ઇસ્ટ ઑફ ઇન્ડિયા

ભારતીય ઓસ્ટ્રેલિયા

ભારતીય ઓસ્ટ્રેલિયા એટલે આપણું પોતાનું ઓસ્ટ્રેલિયા. સામાન્ય વાસ્તવિક બિનસાંપ્રદાયિક અથવા નૉન-શ્યુડૉસેક્યુલર ભારતીય નાગરિક તરીકે દરેક વિદેશી વસ્તુઓનું ભારતીયકરણ કરવું એ અમારી ફરજ છે. ઘણી વાર તો દિલથી સાચું બોલાઇ પણ જાય કે “અમારા બ્રિસ્બેનમાં ઉજવાયેલા ભારતીય સ્વાતંત્ર્ય દિવસના સમારંભમાં ઘણા ફિરંગીઓ પણ આવેલા”. પણ એ ઓસ્ટ્રેલિયન નાગરિક્તા ધરાવતા ફિરંગી લોકોને એવો ભ્રમ છે કે અમે ભારતીય પાસપૉર્ટ ધરાવતા વિદેશીઓ છીએ. એમને હવે કોણ સમજાવે કે અમારા અયોધ્યાવાળા ભગવાન રામને ઓસ્ટ્રેલિયા સાથે વર્ષો જુનો સબંધ છે. ઓસ્ટ્રેલિયા ભારતનો જ એક ભાગ છે.🙂

જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત
જ્યાં જ્યાં બોલાતી ગુજરાતી, ત્યાં ત્યાં ગુર્જરીની મહોલાત

મોટામાં મોટી વાત કે આ ઓસ્ટ્રેલિયા નામ કેવી રીતે પડ્યું? તમને તો ખબર જ હશે આ ખુબ સરળ જવાબ. “અસ્ત્રાલય” શબ્દનું અપભ્રંશ થતું થતું ઓસ્ટ્રેલિયા થઇ ગયું. હવે તમે તો સમજદાર હશો જ અને યાદ આવ્યું ને રામાયણ, રામ-રાવણનું યુધ્ધ, અમોઘ બ્રહ્માસ્ત્ર, વાયુ અસ્ત્ર, અગ્નિઅસ્ત્ર વગેરે વગેરે… રામાયણમાં આવતી રામ રાવણની લડાઇ પતી ગયા પછી અતિ સંહારક શસ્ત્રો (વૅપન્સ ઑફ માસડિસ્ટ્ર્ક્શન) ભગવાન રામે વેરાન જગ્યાએ જમીનમાં સાચવીને મુકી દિધા. આ જગ્યા એટલે અસ્ત્રાલય – ઓસ્ટ્રેલિયા. અતિ સંહારક શસ્ત્રો એટલા માટે કે આ શસ્ત્રો યુરેનિયમ ધરાવતા અણું અને પરમાણું બૉમ્બ હતા. પછી રામે તેમના ખાસ સેવકોને આ જગ્યાનું રક્ષણ કરવાની જવાબદારી સોંપી. આ સેવકો એટલે ઓસ્ટ્રેલિયાના એબોરીજીન લોકો. ત્યારબાદ ભગવાન રામે વિભિષણને લંકાનું રાજપાટ આપી અયોધ્યા તરફ વિદાય થયા. નાસ્તિકો આટલી વાતોથી નહી માને, ચાલો થોડું ચિત્ર દ્વારા સમજાવું.

આજે ય ઓસ્ટ્રેલિયામાં યુરેનિયમનો વિશાળ ભંડાર છે. આ તો બધું આપણું એટલે કે ભગવાન રામનું જ છે. ઇ.સ. ૧૯૫૩ થી ૧૯૫૭ દરમિયાન બ્રિટન દ્વારા ઓસ્ટ્રેલિયામાં અણું પરિક્ષણો થયા. જેને લીધે અમુક એબોરીજીનલ વસાહતોને સરકાર તરફથી નાણાંકીય સહાય પણ ચુકવવી પડી.

યુરેનિયમની ખાણો

યુરેનિયમની ખાણો

ઓસ્ટ્રેલિયાની મધ્યમાં ઉલુરુ નામનો પર્વત આવેલો છે જેનો રંગ લાલ કે રતાશ પડતો છે. ખ્યાલ આવી ગયોને કે એ કેમ લાલ છે? અહીંયા રામાયણના યુધ્ધ વખતે અસંખ્ય લાશો ખડકાઇ હતી અથવા અમુક લોકવાયકા મુજબ અહીં વિકિરણ ઉત્સર્જન કરતા શસ્ત્રો દાટવામાં આવ્યા હતા. એબોરીજનલ લોકો આ સ્થળને ખુબ જ પવિત્ર માને છે તથા તેમના નાના બાળકો અને સ્ત્રીઓને તેની પાસે કે ઉપર ચડવાની સખ્ત પ્રતિબંધ હોય છે કારણ કે વિકિરણોની ખરાબ અસર થવાની શક્યતાઓ રહેલી છે.

ઉલુરુ

ઉલુરુ

અહીંના વાતાવરણમાં રહેતા એબોરીજીનલ લોકો ખાસ પ્રકારનો લેપ ચહેરા પર લગાવે છે જેથી તેમને ક્ષ-કિરણો, અન્ય વિકિરણો કે પાતળા ઑઝોનને કારણે થતા કૅન્સર સામે રક્ષણ મળે છે. ભગવાન રામે જેમ ખિસકોલીના શરીર પર હાથ ફેરવ્યો એટલે તેના શરીર પર જેવા લીટા થયા તેમ જ એબોરીજનલ લોકો લેપ લગાવે છે.

ઓસ્ટ્રેલિયન એબોરીજીનલ લોકો

ઓસ્ટ્રેલિયન એબોરીજીનલ લોકો

યુરોપના ગોરા લોકોએ આ બધાજ નિયમો તોડ્યા છે એટલે આજે વિશ્વમાં સૌથી વધુ કૅન્સર ઓસ્ટ્રેલિયામાં ગોરા લોકોને થાય છે અને બ્રિસ્બેન શહેરને કેન્સર પાટનગર કે કેન્સર કેપીટલ તરીકે ઓળખવામાં આવે છે. આ બધી વિગતો સવિસ્તારથી અમે ઓસ્ટ્રેલિયાના ઇતિહાસવિદો અને રાજકારણીઓને સમજાવી તેઓ માની પણ ગયા. છેવટે અમે પ્રસ્તાવ મુક્યો કે ઓસ્ટ્રેલિયાનું મુળ દેશ ભારત સાથે વિલિનીકરણ કરો અને ખોવાયેલ સંસ્કૃતિ પુનઃસ્થાપન કરો. એવામાં વર્તમાન પ્રધાનમંત્રી કૅવિન રૂડ બોલ્યા કે ભારતમાંથી બિનભ્રષ્ટાચારી, બિનસાંપ્રદાયિક અને સંસ્કૄતિ જાળવી શકે એવાને પ્રધાનમંત્રી બનાવીએ. આટલું બોલતા જ ભારતીયોમાં પડી પસ્તાળ. પહેલા બોલ્યા આમ આદમી ઓસ્ટ્રેલિયાવાળા કે કેજરીવાલનો કોઇ વિકલ્પ નથી ત્યાં તો બીજા બોલ્યા કે તેમને શાસનનો કોઇ અનુભવ નથી. કોંગ્રેસીઓ બોલ્યા કે ઓસ્ટ્રેલિયાનો મોટા ભાગનો વ્યવહાર આઉટસોર્સીંગથી થાય છે તો ઇટાલીવાળાને કોન્ટ્રાક્ટ આપી દઇએ. ત્યાં તો કેસરીયા બ્રિગેડના લોકોએ વિકાસના પર્યાય નરેન્દ્રભાઇ મોદીનું નામ સુચવ્યું. પછી શું બધાય ભારતીયો સ્વભાવ મુજબ ઠાકરે, નિતીશકુમાર અને જયલલિતાના નામો પર ઉગ્ર ચર્ચા કરવા લાગ્યા. બસ પછી કેવિનભાઇએ આવનારી ચૂંટણી માટે પોતાના માટે મતો માંગ્યા અને ચા પીવડાવી બધાય ને વિદાય કર્યા. પછી અમે વિવિધ ગામ, શહેર, તાલુકા, જીલ્લા અને રાજ્યના ઍસોસીએશન બનાવી તેના પ્રમુખ બની અથવા નાના મોટા ફૉટા પડાવાય એવા મંત્રી બની ગયા. કેનબરાથી ભારતીય કોન્સ્યુલેટ ગમે તે કહે કે રાડો પાડે “સાથે રહીને તહેવાર ઉજવો” પણ ના અમે તો સ્વાયત્ત બનીને જ રહીશું. ૧૧, ૨૧ કે ૩૧ ગામ સમાજની નાની ઓરડી બનાવીશું પણ વિશાળ “ભારત ભવન” કે “ઇન્ડિયા હાઉસ” નહી બનાવીએ કારણ કે અમારી સંસ્કૃતિ અલગ છે.

નવરાશની પળોમાં ટ્રેનમાં ચા અને ભજીયા મળતા ના હોવાથી આવી નવી નવી “પ્રાચીન લોકવાયકાઓ” બનાવીએ છીએ. ઉપરનો છેલ્લો ફકરો સર્ચ એન્જીન માટે છે જેથી કોઇ રડ્યું ખડ્યું આવીને લાઇક કે કમેન્ટ લખી જાય.

ભારત માતાની જય, જય હિંદ.

6 thoughts on “ભારતીય ઓસ્ટ્રેલિયા

  1. Mayur

    વાહ… SEO પણ મેઇનટેઇન કર્યુ, રાજકારણ પણ રમ્યા અને પ્રાચીન વાતો કરી !! લાગે છે કે ઓસ્ટ્રેલિયાની ટ્રેનોમાં આવા ખતરનાક વિચારો માટે સારુ એવું વાતાવરણ મળે છે !!🙂

    Reply
  2. Dipak Dholakia

    તમારી કલમ ગજબ છે. અહીંથી ત્યાં, ત્યાંથી અહીં. આના માટે ‘વાહ’ અને ‘આફરીન’ સિવાય કોઈ શબ્દ છે જ નહીં!
    વેબગુર્જરી માટે આમંત્રણ આપ્યું જ છે. લાગે છે કે હવે કિડનૅપ કરવા પડશે, ત્યારે જ માનશો!

    Reply
  3. Pingback: બ્લૉગ ભ્રમણની વાટે… ૪૭,૪૮,૪૯,૫૦ « વેબગુર્જરી

  4. mdgandhi21, U.S.A.

    તમે “લલ્લુપ્રસાદ”, માયાવતી, મુલાયમસિંહ, મમતાદીદી, લાલભાઈઓ, દિગ્વિજય, શરદ પવાર, આડાઈ કરતાં ૮૬ વર્ષિય અડવાણી, હજી ઘણાછે, આ બધા નામોને ભુલી ગયા….??? તેમને તમે અન્યાય કર્યો કહેવાય…….!!!!!

    Reply

અભિપ્રાય આપો.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s